четвртак, 20. јун 2019.

Ratimir – Raco Delević - Podsjeti se


Ratimir – Raco Delević



Podsjeti se

Nekad se pokrivalo lencunom,
spavalo se na kušinu,
brisalo se šugamanom,
objedovalo na taulinu…

Gotovila se blitva na ulje,
i prigale se ruštule,
brali se ježevi i lumpari
i brambuljaci i mušule…

Pare su bile u takulin,
patos se fraga bruškinom,
ožicom se jelo iz pjata,
bukara punila vinom…

Karijege su bile od drva,
baul se pokriva mušemom,
bječve se sušile uz oganj,
a crevlje mazale kremom…

Ljeti su se zatvarali škuri,
do marende počivalo,
do pred mrak smo se boćali,
u bevandu i crno, malo…

Igrale se trešeta i briškula,
i cikva, šija i šete,
ko se ovoga ne sjeća,
taj nije s naše planete…



Ratimir – Raco Delević






Нема коментара:

Постави коментар